Sabenerna istilah mamaos mah ukur nujul ka lagu-lagu nu
polana pupuh (tembang), lemesna tina mamaca: seni maca buku carita wawacan ku
cara ditembangkeun. Buku wawacan nu migunakeun aturan pupuh ieu aya nu
dilagukeun ku téhnik rancag jeung téhnik beluk.
Mamaos téh dimekarkeun tina seni pantun, nu ciri utamanya
nyaéta ayana kacapi katut cara maénkeunana. Lalaguanana ogé ampir sakabéhna
tina carita pantun, di antarana carita Pantun Mundinglaya Dikusumah.
Tembang Cianjuran mangrupakeun seni vokal Sunda nu
dibarengan ku alat musik kacapi indung, kacapi rincik, suling, jeung rebab.
Asalna mah, di tempat borojolna, Cianjur, kasenian ieu téh disebutna mamaos.
