Dina rampak kendang, waditrana henteu ngan kendang wungkul, tapi bisa divariasikeun jeung pakakas-pakakas séjénna, kawas: pakakas gamelan, rebab, gitar, dlsb.
Dina maenkeunana, bisa ngadeg sorangan, hartina tina rampak kendang éta bisa nyieun lantunan lagu sorangan, atawa minangka pangiring tina hiji tari jaipongan.
Dina seni pintonan, seni rampak kendang geus ditarima minangka salah sahiji seni kreasi sarta geus dipintonkeun dina acara-acara resmi, boh di lingkup Pamaréntahan, sumawonna swasta boh balaréa umum.